بلا اعلان لا دعايـــــــا ..... اللي أيحط سوم أيشيل يا شرايــــا عارض الصوب بلا اعلان لا دعايــــــــــــــــا عارض أبرخص السوم ..... ماعاد فيها أمعاتبه لا لوم مليت ماللوهام واللهموم .... السعر لي ينقال وافي أمعايــــا والعقد مني تاخذه مختوم .... عندي المهم أتفضها لحكايــــا ضاقن أعلومي أوخاطري فالنوم .... أوغير النكد ما ريت فيك مزايــــا من وين نلقا كل ليل أعزوم .... حتا ابدل يربح أوهات زهايـــــا تربح أمعا غيري انشالله ادوم .... كلا أمعايا أوصلت للنهايــــــا عارض أنريد انبيـــع ...... ما أنريد منك كسب لا تنفيـــــع أولا نقبلوا تبديل لا ترجيـــع .... لا أنريد دلاله اولا حوحايــــا أبنفتك نبي أنبيع عالسريـــــع .... وأنطيح في صمصار حال الغايــــا ماعاد يحمل خاطري توجيـــع .... كمل طريقك يا عزيز بلايـــــا باقي حياتي ليش فيك اتضيــــع .... عقاب دنيتي حقي انريد هنايــــا عارض ابأيا سعــــر ...... تغلظت في صوبك قهرني قهــــر أبنبدا حياتي انعيشها مالصفــــر .... مالصوب يللي صارلي كفايــــا من قبل كنت أنجيبلك في عذر .... أوتوة أفنسيانك القيت دوايــــــا

جيت مرحبا ياجرح بيك مراحـب اصحاب ماعندى انريدك صاحب تعال احذايا ناخـــذ الليل معـــاك فى سهرايا ياجــــرح عندى جـــــرح قل هنايا شوف حالتى تميت ديما شاحب نبكى تعـــال ابكى اشــوى معايا انديروا على هـــم الزمان مناحب

صب م الليمـــــون ... غاب الزها من غيبت المـــــرهون

بخت العين احذاي رقندي .. طاح سعندي .. وانا ما عد في جهندي .............................. بخت العين .................

مش يوم لا يومين لا شهرين فيك ياجميل خذيت دكتوراه غبي منو يتذاكي علي لخرين يضحك و هم يضحكو لغباه

راك اتحط اللوم علينا ...حقيناك رخيت رخينا..

انسيتك نسية ** من خطاك كبير ** وماعاد لك في خاطريتأثير لامرك طايـــــــــــــــــــــــــــــــــــــــع ** ومانلت من حبكامفيت فجايع ولو كنت نسمع في الكلام الشايع** ضدك بسرعة من حذاك انطير ولاموعلي وصنفوني صايـــــــــــــع** ومازلت نلتمس للناس فيتبرير انسيـــــــــــتك وكـــف نحيبــــــــي ** علي ايديك تايب يا سبايبشيبي ومن يوما عرفتك غاوية في جيبي** مانكش بنت اجواد دينك لير ننشـــــــدعليك زمان وين تغيبي ** وتوا بقا غيابك عندي خير

ابـــــــها ليبيا وين ماشـــيين***اطاول امعانا ابكـــــاها ريت وجها شـــــــاحب حزين***واهنه وثقلن اخطاهــا كمل عمرها غيـــــــر رهدين***اصابولها ياضنــــــــاها نحنا اتقـــــــول جاحــــــدين***ماتقول ذقنــــــا الباها الها اسنين واسنين واسنين***صابره علي ضيم جاها اليــــوم بينا فيـــه وحــــدين***حاسدينها في هنــاها

ايديها حنه¥جميع من يزعلها يموت جعنه¥ريت بنت ياخوتي ريت يديها¥وفيه شي خلاني نموت عليها¥وخلتني نجي لي نار مانبيها¥وموال لي زمان طالع منه ¥وشغلة اركان العقل جيها جيها¥و نبي رضاها هدا ما نتمنا¥ ديما نهار وليل نحلم بيها¥لو نموت مانقدرش نبعد عنه¥ وحق من صورها¥وحق من خلق طلت جميل بشرها¥ماعاش من يزعلها ولا يقهرها¥يلي معاها عايشين فجنه¥لهي عين سوده واسعه مكبرها¥مع الجسم والابسه وهديك الصنه¥ وحق النبي التايب انكان نضرها¥تخف توبته موعاد صاير منه

مـــــــا نلوي عليكم إن كان عني هجركم يغنيكم حسيت غيبه في سلام إيديكم وفي عيونكم ريت الحنين أشوي أفداكم العمر إللي جمعني بيكم وحلم المكان إللي خلاص إفضي يا من أتجوني بالغلا ونجيكم وندفن إيديكم في أحضان إيدي حتي وأنا مازال شوقي فيكم جرحي إمسامح فيه ما إنزابيكم خلاص أرحلواما نريد منكم شئ مـــــــــا عليكم في... الله امعاكم....ما دام عني راحلات أخطاكم أنعد عقلي ما زهاء يالاكم لا أحلمت لا حسيت إنكم لي كم كان غالي عالعيون أرضاكم يا أولاف عندي كي رضا ولدي وكم كان فرحي وينما نلقاكم فرحت الغايب للديار إيجي سامحت ما فارق مغير غلاكم الدنيا تفرق بين خي وخي مـــــــاعليكم في

خدينا عليه خدوه....بكينا ومافاد البكاء خلوه الله يسامحه خدينا على جلساته* وخدينا على الهمسه وعلى نظراته وخدينا على التنهيد من اهاته*وخدينا على جيه انكان طروه وخدينا على البسمه بعد دمعاته*وخدينا على لهفة لقانا ووه وخدينا على مسجه وعلى رناته*وخدينا على انتظار مانطيقوه وخدينا على ايامه ودكرياته*وخدينا على لحظات ماننسوه وخدينا على الاقسام ماجابته*وخدينا على خسارة اللى نبغوه وخدينا عليه الحلم ومهاياته*وخدينا على واقع خلاص نهوه خدينا عليه خدوه*بكينا ومافاد البكاء خلوه الله يسامحه خدينا على التمويح*وخدينا على التضميد والتجريح وخدينا عليه الصمت والتلميح*وخدينا على نسوة اللى نقروه وخدينا على التشهير والتبريح*وخدينا عللى يبيعنا نشروه وخدينا على الايماء والتصريح*وخدينا عللى فى يدنا نعطوه وخدينا على العناد والتلقيح*وخدينا القناعة ضعف مانرضوه وخدينا وخدينا وكل شىء صريح*حب التملك هوه اللى نبوه خدينا عليه خدوه*بكينا ومافاد البكاء خلوه الله يسامحه

نعلن حداد اليوم*علي قلب فوق الهم زدته اهموم نبي ندفنه* نعلن عليه اباده، ونقفل عليه ابواب كل سعادة ،ولا عاد نسمحله ايدير ايعادة ، ف الصوب راسب ما خذا دبلوم،ولا عاد نرخيها احبال اجياده، يبقى وحيد وبالشقا محكوم، وياقلب خليتك رهين وسادة، تذرف عليها الدمع كوم و كوم، ليش مانهيتني ياقلب من كل هذا، وحذرتني م اللي جرالي اليوم، كنت ف زها باني مكان عباده، وعلي شان صوبك نبتهل و انصوم، تاريتني شارب مرارك ساده، وفوق المرار اشربت كاس اسموم، ياعمر ماشي في حياة مرمادة، سبحان من خلى للناس اعزوم، وعندي عزم ضاقت عليه بلاده، مشى للخلا مرافق سماء و نجوم؛ طلع صاحبي في الصوب عنده ريادة ،ومع غيرنا طارب زها وانسوم ، قعد في حشايا نارهم وقاده، بعد جا قرار فراقهم مختوم، يارب ياسامع صريخ عباده، سألتك سؤال العبد للقيوم،تشل نبضي وتكتبها عليا شهاده، ولا عاد في بحور الغرام انعوم

لا ملتاع لانك في لهايب ** راكح فوق في قلب السما ننظر فيك في ساعة طرايب ** ضاوي كي جبنون الفتاة وننظر فيك في ساعة سكايب ** وقت ضيوق علمي مالدنا خفيف ظريف موكيف الضبايب ** أتهل اوقات وتعاود خفا نريد احذاك نبقالك نوايب ** فيه كلام في عقلي دبا ننشد فيك عاللي وين غايب ** انظر وين طيفورة رسا نحسد فيك ياصاحب العجايب ** دوم انظرك للغالي زها كبر السن ريت الراس شايب ** مشتاقين لبحور الغلا

والله يا رفـــــيق الوقت.................. تميت غيركـــــلام ومن رفـــــقتك ماشفت ...............غير من بعيد ســلام خلاص يا رفيق انسيت..............صحبتك ولــــــــهيت وباعدنك ليام وينا كلامك امـــــس ......................اتكون بير اســراري وانك عذابي اتحــس ...................وتهون عليا امراري كي قبل كون معــايا....................عارف دوايـــا ودايا لمليون عام وعــــام وينا كلامك وانــــتا ...................ماسك ايديا اتـــخفف عذابي وكل ما شفتا.................... وباليد دمعي اتجفف ســــــــــيبتني للمن .....................وين الـــغلا والحن عندي علــيك ملام والله يا رفيق خــــلاص ................فالكون مافي اصـــحاب وماعاد تــــــــــلقا ناس................دوم الزمـــــــان احباب وماعاد تـــــــــلقا خي ..............فاتح لـــــخيا بـــــــاب وماعاد تـــــــــلقا حي .................يضحكلك بدون اسباب وماعاد تلقا طــــــــير ...................طاير مع لــــــسراب وماعاد تـــــــــلقا خير..................كي لميه فوق اتراب

ما لقيت من يعرف سبايب دايا¤يصفى لحديتي يوجعه مطرايا¤دوايا معاهم إللي خاطري مجروح من يالاهم¤طال هجرهم بالحيل غاب نباهم
اللي قبل مايطيقو ا الصبر بلايا"تحياتي"

نهار اوداعه غاب وخلا كبدتي ملتاعه .. عزيز باعيني خلاص انسيني .. باعني وبكا عيني .. ونا خاطري حاير وشق كنيني .. واحتار دليلي وكان حبي وكان هو حنيني .. وابقيلي اليوم عدو وامعاديني .. وابقيلي سبابيب بكيتي وامشقيني .. واجعتني فيه اللي ماوفا وخان .. وغلانا بعد اشهور توفي .. انقوله يالعزيز اتجيني كي جتني حفه .. وماقدرت يالعزيز طيفك ننسا ..عزيز باعني ...

عـلي تخـلا .. ثاريتا إمعـايا ف الغـلا يسلا .. عزيز باعني وباعد خان غلايا .. إللي قبل ما يحـــمــل نهار بلايا اليوم في مزاجه دارني تســـلايا .. وبيا غدر خــلف أوجـاع وعــــله ما حسبت روحي إنكون فى النهاية .. تضييع وقت دايرني وهو يتغـلا ... خان أوعوده .. وبانت النية في عيونه ســــــوده وبانت طريقـــه موحشة مسدوده .. إدروب شر راسملي ومتهايله للناس كنت نحكيبا نظيف إخدوده .. هو كان ناوي للغـــرام مــــذلا نحساب يبذل ف الغلا مجــــهوده .. إلقيته غرور بقـــسوته إيتعــلا دار غلطته إجاوز اليوم إحــــــدوده .. تركني بلا ســـيا عـــلي تبلا أجنان الغلا ذبلت جــــميع أوروده .. وماتت وصافت ما سـقاهن بلا إيجيه يوم يلقي السالفه مردوده .. وإيصير فيه ما صــاير معايا كلا

بيش تردى ؟؟ لو جيتك وجايب الروح فيدى .... وقتلك نحبك .... بيش تردى ؟؟ ايش الرد؟؟ زعمه تردى والا تاجلي للغد... ناكيفك رانى مالقيتش حد ....يللي حسك ف القلوب يهدى يللي حبك ع الكنين جرد ....يللي انضاري عليك فوين تعدى فيك عاشم مانبيه الصد ....حبل الغلا يارب قداي تمدى زيدى فدلالك مايلومك حد .... لكن ابوابك ماعلي تسدى ماتخللينى هايم بين صد ورد...نحبك قوليها ماعلي تشدى قوليها بعينك والابلون الخد ....نفهمها علي طول ونا معدى بعدها ماعاد اللايمين نعد ... نخوضه غرامك فالحياة بتحدى بيش تردى ؟؟ لو جيتك وجايب الروح فيدى .... وقتلك نحبك .... بيش تردى ؟؟ زعمه توافق ؟؟ والا نروح فاليدين نصافق .... اللي غلاها في كنيني خافق .....الباقي علي الله هاذا حدى هو اللي قادر بين القلوب يوافق ..... اللي برزقه جميع الكاينات يغدى بيش تردى ؟؟؟؟

هذا مـــــــــــــن؟؟ ...اللي قلت ساقيني الغلا والحِـــــن ياللــي تريد جواب ..هذا من ؟؟ هذا الجديد الــــــــــــــلافي ... هذا اللي منهل غرامه صـــــــافي وهذا اللي غالي وحنون اوافي ... ربة أجواد ومــــا ايخيب ضــــن وهذا اللي اريافه هلب اريـافي ... وأشواقه أمواج بحور ما ايكفـــــن وهذا شراعي ومركبي ومجدافي…رفيق درب في وسط الكنين سكــن وهذا غلا واثق ومش هفهــافي … عقيده الغلا عنده ومـــــا هو فـن وهذا عسل حّنون شهد وصافي ... ربيعه أزهــــــار العمر ما ايصيفن وكان قال يفعل فِعل مش خرافي ... أيوفي أقدار الصوب ما ايكـنكـن وع الوعد يبقى وما ايدير إخلافي ... ابشـوفه اجـروح القلب يــدّاوَن جايد علي بارياف كيف اريـافي ... ونيران شـــوقه اتزيد مــا يطفن أمـــا القديم اليوم جمره طـــافي ... طون صفحته الأيام ما أيــــردن عرفته من ؟؟ اللي قلت ساقيني الغلا والحن ..

ياعزيز تأنى ان رنن عليك ارقام ماهن لنا لو ترد توحل

شوفهن صنفهن ان رنـن عليك ارقـام ماتعرفهن بلا فكر دغرى م الجهاز احذفهن حتى ان جـاتك يوم منهـن رنه العقـول قالـوا اتمس واتلفهن باسبابهـن تمـرض ايقولـوا كنه تاخذ وراهن اجـر لو تكشفهن للنـاس بالك شـى حبيب ايجنه
تأنى زيـن وخوذ حذر من ساحر وسحره شين يبدن ارقامـه لاولـه ابصفرين قبـل اتصـالك بيه خـير استنى مـازال مـو معروف اصله منين ولاكيف جنــه هالبـلاوى منه دايـر مـرض فتاك يعمـى العين ويضحك عليك انكـان فيك تهنى ايخليك تايـه بين حيـن او حيـن الليـل كلـه مغيـر تحكـى عنه